Беларусам многія могуць пазайздросціць: у спадчыну нам засталася па-сапраўднаму ўнікальная мова. Спадчыну нельга ўявіць без народных традыцый і абрадаў, мінулай гісторыі, знакамітых беларускіх пісьменнікаў і паэтаў.
На выставе-прысвячэнні «Дзіўная родная мова» была прадстаўлена мастацкая літаратура беларускіх класікаў, зборнікі беларускай прозы, паэзіі, драматургіі сучасных аўтараў.
Гульня «Простая беларуская ежа» запрашала паспрабаваць беларускія прысмакі: клёцкі, дранікі, мачанку, бульбяную бабку і інш. Удзельнікі чыталі апісанне беларускай стравы, знаходзілі яе на “смачным” стале.
Смакавалі мову і праглядам сацыяльнай рэкламы «Смак мовы».
Удзельнікам інтэрактыўнай гульні «Смак роднай мовы» неабходна было выбраць “смачнае” слова і хутка перакласці яго на беларускую мову. Так кожны праверыў сябе, наколькі ён добра ведае самабытныя беларускія словы і ўзбагаціўся з дапамогай іншых вучняў новымі ведамі.
Што можа быць займальней, чым чытанне добрай кнігі на роднай мове? Для вучняў 3 класаў быў падрыхтаваны рэкамендацыйны агляд літаратуры «Чароўны свет маленства». Юныя чытачы пазнаёміліся с лепшымі творамі беларускіх дзіцячых пісьменнікаў: Раісы Баравіковай, Людмілы Рублеўскай, Уладзіміра Ліпскага, Атура Вольскага і іншых. Іх кнігі вельмі пазнавальныя, вучаць назіральнасці, любові да прыроды, сям’і, роднай зямлі, лёгка запамінаюцца.
Запатрабаваным у чытачоў стаў бібліятэчны калейдаскоп «Размаўляй са мной па-беларуску!», дзе можна было даведацца ці паглядзець, як перакладаецца на беларускую мову тое ці іншае агульнаўжывальнае беларускае слова.